გალაკტიონ ტაბიძე - უსიყვარულოდ - 20 იანვარს 2012 - სასიყვარულო კუთხე
მთავარი » 2012 » იანვარი » 20 » გალაკტიონ ტაბიძე - უსიყვარულოდ
9:06 PM
გალაკტიონ ტაბიძე - უსიყვარულოდ



უსიყვარულოდ
მზე არ სუფევს ცის კამარაზე,
სიო არ დაჰქრის, ტყე არ კრთება
სასიხარულოდ…
უსიყვარულოდ არ არსებობს
არც სილამაზე,
არც უკვდავება არ არსებობს
უსიყვარულოდ.
მაგრამ სულ სხვაა სიყვარული
უკანასკნელი,
როგორც ყვავილი შემოდგომის
ხშირად პირველს სჯობს,
იგი არ უხმობს ქარიშხლიან
უმიზნო ვნებებს,
არც ყმაწვილურ ჟინს, არც ველურ ხმებს
იგი არ უხმობს…
და შემოდგომის სიცივეში
ველად გაზრდილი,
ის გაზაფხულის ნაზ ყვავილებს
სულაც არა ჰგავს…
სიოს მაგივრად ქარიშხალი
ეალერსება
და ვნების ნაცვლად უხმო ალერსს
გარემოუცავს.
და ჭკნება, ჭკნება სიყვარული
უკანასკნელი,
ჭკნება მწუხარედ, ნაზად, მაგრამ
უსიხარულოდ.
და არ არსებობს ქვეყანაზე
თვით უკვდავება,
თვით უკვდავებაც არ არსებობს
უსიყვარულოდ!

1914 წ. - გალაკტიონ ტაბიძე
კატეგორია: პოეზია - ლექსები | ნანახია: 548 | დაამატა: Nikolozi | ტეგები: galaktion tabid, 1914, უსიყვარულოდ, galaktion tabidze - usikvarulod, galaktion tabidze - usiyvarulod, გალაკტიონ ტაბიძე, გალაკტიონ ტაბიძე - უსიყვარულოდ | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]