პაოლო იაშვილი - პირამიდები - 24 იანვარს 2012 - სასიყვარულო კუთხე
მთავარი » 2012 » იანვარი » 24 » პაოლო იაშვილი - პირამიდები
10:03 PM
პაოლო იაშვილი - პირამიდები



იქ, სადაც სდუმან პირამიდები,
მზის ქორწილის დროს მე დავწვები მზისფერ სილაზე,
იქ, სადაც სდუმან პირამიდები,
შენ მომინდები,
შენი თვალები, შენი მკლავები, შენი სინაზე.
შენ მოგაფრენს ცხენი არაბული,
თვალებდანაბული.
საყვარელ ხელებს მივეცემი, როგორც ნაზ საწოლს,
და შენ დამკოცნი ვით დედოფალს, ვით მხევალს და ცოლს.
ტკბილი იქნება ცხელ სილაზე ჩვენი თამაში,
მზიურებს მაშინ
არაფერი მოგვაგონდება...
პირამიდებში ატირდება ლოდინით რაში.
ლურჯ სფინქსთან მივა, უცქერს დიდხანს და დაღონდება.
სილიან ტანით მდინარისკენ გავეშურებით,
მწვანე ტალღებში დავამშვიდებთ ჩვენს ღელვას ალურს.
გამოფხიზლდება შენი რაში სფინქსის ყურებით,
დაუწყებს ძებნას უდაბნოში თავის სიყვარულ..

პაოლო იაშვილი
კატეგორია: პოეზია - ლექსები | ნანახია: 601 | დაამატა: Nikolozi | ტეგები: paolo iashvili, ზევსი, piramida, პირამიდები, kheofsis piramida, ხეოფსის პირამიდა, პაოლო იაშვილი, piramidebi, პირამიდა, zevsi | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]